許靖韻晒港式普通話 網民勁讚可愛 許靖韻(Angela)日前為內地音樂節目《由你音樂榜樣》任表演嘉賓, 仲現場演繹由佢作曲嘅《事與願違》,用歌聲講述「離心」嘅愛情故事。 除咗唱歌,Angela仲同好友劉人語拍檔,喺節目嘅第二現場變身做主持,佢嘅港式普通話被網友大讚可愛,又話:「小許是在施展仙女魔法嗎?這簡直是大型圈粉現場!」另外,講到同好友劉人語孖住做主持,Angela坦言:「像是回到了當初比賽的舞台。」