憑衫寄意 容祖兒要大紅大紫 近日,容祖兒為新推出嘅國語大碟《答案之書》四出宣傳,中港台三地飛唔停。日前,佢就現身國內plug2歌音樂節目,將新碟入面嘅主打歌《長大》帶上舞台。舞台設計將《答案之書》投射喺台上,祖兒置身喺「答案之書」嘅背景入面,將「長大」心境娓娓道來。 《長大》除咗係大碟嘅主打歌,更加係祖兒初心嘅音樂載體,同時亦都係回顧佢出道廿年嘅「喊死人」之作。喺今次舞台上,祖兒演繹Live版嘅《長大》,將自己嘅初心唱俾大家聽。除咗深情咁唱歌,祖兒繼續發揮佢九唔搭八嘅搞笑。好似面對由「道具卡片」中穿過舞台嘅效果,祖兒就話要練一晚,最重要係將紙劈好;演唱完後,問到佢點解會着呢套衫上節目時,祖兒就好搞笑咁話:「是大紅大紫的意思,所以希望你們會支持我。」咁都得?