鐘欣潼(阿嬌)同未婚夫賴弘國參與中國首個父母成長觀察實驗真人騷《爸媽學前班》,日前正式見街。節目全程喺英國倫敦拍攝,四對夫婦一起入住學習。喺第一、二集嘅節目入面,阿嬌同賴國弘除咗要挑戰各種家務同煮嘢食,二人亦要齊齊上育兒堂,場面既溫馨又搞笑。 節目一開始,阿嬌和賴弘國首先抵達住所,賴弘國見到啱啱完成電影拍攝嘅阿嬌有啲面露疲態,自己搬運完行李後,就好細心咁提議出去散步吹風。第二日,正式接受第一項挑戰-起跑線實驗。當中包括多條「如果未來有了孩子會點樣面對」嘅問題,問到會唔會喺小朋友面前嗌交時,賴國弘話:「我沒有把握。」而阿嬌就笑住話:「你能控制一下自己嘛!」十分搞笑。實驗結束後,大家就要親自下廚歡迎英國育兒專家海倫。煮嘢食唔叻阿嬌嘅表示由於工作忙,所以從來都冇煮過嘢俾未婚夫食。食材準備好後,四個女仔圍埋一齊傾湊仔經。一向慢熱嘅阿嬌話:「我不是一個那麼容易進入狀況的人,也不是一個非常活躍的人,但我也覺得他們很棒,所以也不擔心接下來的錄製。」 到第二集肖像畫實驗中,實驗者和畫師背對背通過描述特點來進行夫妻畫像,測試雙方瞭解程度。實驗中,二人大晒恩愛,賴弘國大讚阿嬌有亞洲數一數二精緻嘅五官、飽滿嘅額頭、清澈嘅眼神同最勇敢嘅性格;而阿嬌則可愛話賴弘國「笑起來傻傻的、呆呆的」。最特別就係,所有畫像中阿嬌形容嘅賴弘國是相似度最高嘅一個,阿嬌也被讚「細心」。 上晝課堂結束後就到戶外實驗,阿嬌和賴弘國嘅任務係喺公園尋找指定人物。搵到小朋友後,賴弘國拎出準備好嘅公主裙禮物,阿嬌細心幫手着好。呢次學習嘅目的係提前體驗育兒,阿嬌拎出筆記簿mark notes嘅同時,仲極提出好多問題,用心學習育兒知識。