日前,容祖兒受邀出席「2018年中央電視台中秋晚會」,作為央視晚會常客,祖兒以一襲法國品牌LANVIN秋冬系列嘅鮮黃色晚裝長裙亮相,並以紅色閃石腰帶作點綴,帶點斜膊嘅設計,着出其高佻身型之餘,又配合番呢個隆重嘅場合,顏色仲好應節𠻹,當晚Joey更以一首《小小》唱響中秋團圓夜。另外,祖兒最近忙於籌備新碟,預計十月推出。今次呢隻碟由國內外多位音樂人聯合製作,絕對係祖兒今年音樂上嘅大project。