自參與內地選秀節目《創造101》後,許靖韻(Angela)喺內地人氣急升,每次現身都幾乎俾fans包到冚。近日Angel現身《中國音樂告牌》錄影現場,正式參與國內嘅打歌節目!第一首plug嘅歌就係佢自己作曲嘅《事與願違》。 錄影當日,Angela以全黑型爆look上陣,上身着住黑色西裝褸;下身就以熱褲上陣,大晒白滑長腿,一眾fans見到即刻嗌到拆天。到場影完相後,Angela仲好識做咁走埋fans堆入面同佢哋大玩自拍。唔單只咁,錄完節目後,貼心嘅Angela仲將喺香港帶嚟嘅月餅親筆簽名送俾fans,fans當堂冧爆:「擁有許靖韻的簽名月餅,也是捨不得吃了。」