由未開始拍已經俾人插到飛天,到第一集出街之後再插到上太空,我哋都一直去收集唔同意見,不斷努力去改進,希望觀眾同網友們會睇到我哋嘅誠意,亦好希望大家可以睇得開開心心。 好幸運,好感恩,由第二集、第三集開始,無論係坊間平時聽到嘅,定係網絡或討論區上面見到嘅,呢個節目開始慢慢得到越嚟越多朋友嘅支持,甚至最近去到唔同地方工作,都得知原來好多當地嘅華人都非常喜愛,成為佢哋每個週末嘅必睇節目。 再一次感謝有睇過《美女廚房》嘅朋友,啱啱連續三日完成埋最後嗰三集錄影,好攰,但係值得嘅!真係非常唔捨得,多謝所有台前幕後工作人員,特別鳴謝兩位主持拍檔阿蕭同阿朗,呢個組合係有d嘢嘅,希望有機會再合作!