成軍15年的BOYZ, 較早前因為擔任張敬軒演唱會嘉賓比網民推到10月16晚開只此一場的處男售票演唱會。 今早10點公開發售,反應非常熱烈,網頁更加長期繁忙,首頁都入唔到。 很多粉絲在Kenny社交平台留言表示買唔到飛,集氣要求加場。 Kenny表示多謝各位粉絲朋友嘅支持,為佢地打左枝強心針。佢地會繼續努力備戰,演唱會當晚釋出渾身解數,把最好嘅BOYZ帶比大家。 身在台中比賽嘅Steven表示自己尋晚都好緊張,畢竟第一次售票演唱會,所以今朝開賣有咁好成績,佢頓時鬆一口氣。希望當晚入場嘅粉絲朋友,可以一齊集體回憶一下。 Steven亦透露自己都收到好多訊息表示買唔到飛,奈何佢自己都幫唔到手。