嚟緊將會喺佛山舉行三十周年巡迴演唱會嘅李克勤,日前獲邀出席第十四屆中國長春電影節閉幕式暨頒獎典禮。活動當日,克勤以一身深藍色暗花西裝look、並以紅襪作點綴驚喜亮相紅地氈,隨後喺台上演唱經典歌曲《紅日》,零瑕疵嘅live,就連台下嘅成龍、章子怡、徐崢同王珞丹等藝人都變成小fans,邊打拍子邊跟住唱,網友仲話佢哋係「史上最強打氣團」! 另外,除咗忙住嚟緊嘅佛山演唱會,克勤仲積極籌備全新個人大碟,製作班底唔單止有國內知名音樂人,喺音樂創作上仲會加入全新嘅民族元素㖭。