由2015年到2018年,歷時三年、差唔多跑勻大半個地球、完成超過二十場嘅《TWINS LOL 世界巡迴演唱》,喺嚟緊嘅十月十三日,將會喺澳門威尼斯人金光綜藝館舉行今次tour嘅最後一站,今次澳門站將採用四面舞台設計,實行同歌迷近距離接觸。 今早十點,演唱會門票於威尼斯人官網公開賣飛,由於係最終站,大批fans湧入網站搶飛,搞到網絡大塞車,一眾歌迷及網民表示一路click唔到入網站,直至晏晝近三點,終於入到官網,不過門票已經全部售罄,反應咁熱烈,Twins都話好開心,「好多謝大家一直以嚟嘅支持,呢個巡迴都做咗一段時間,今次去到最後一站,當然會唔捨得,所以我哋一定會毫無保留咁去演出,亦都希望大家可以當一個party咁enjoy。」