最近忙住拍攝電影《失蹤》同《女子監獄》嘅鍾欣潼(阿嬌),日前參加國內綜藝節目《舉杯呵呵喝》,節目入面,阿嬌同其他節目主持一邊食嘢一邊傾偈,分享生活趣事,期間講到當初入行原來係為咗要養家,仲話自己性格唔係好適合做娛樂圈咁話。 出道十八年,但原來阿嬌從來冇諗過要做明星,「我做這個職業是因為要養家,希望我家人可以過得好。」而且由於成長背景關係,令到佢唔多識同人溝通,特別係男仔,「我整家人男人很少女人比較多,所以我這一進這個圈的時候,我很怕跟男生對話。我不會做人,不會怎麼去表達自己,我的性格真的很不適合,但是我真的很喜歡演戲,很喜歡做這一行工作。」雖然係咁,不過好彩呢十八年有拍檔兼老死阿Sa(蔡卓妍)喺身邊,仲不時有surprise俾佢𠻹,阿嬌最印象深刻係有一年生日佢哋喺機場,阿Sa偷偷地整咗個生日蛋糕,因為想踏正十二點同佢慶祝,最後佢過生日係嘅地方竟然係機場廁所門口,感動得嚟又好笑。