由浙江衛視同燦星製作聯手打造嘅音樂節目《中國好聲音》日前(10日)播出第四期。今期一開始,四位導師嘅team隊員已經全部齊腳,之後就開始「全員battle」 模式。喺前三期節目入面,霆鋒因為同周杰倫嘅爆笑互動而被爆友稱為「鋒火倫」組合,今期佢哋又嚟料。 喺導師點評《說散就散》嘅原唱者JC時,周杰倫就提到自己出咗第一隻碟後,着住同隻碟一模一樣嘅衫去唱片舖出入,但係竟然冇人認得出,霆鋒聽到後就即刻講咗埋藏喺心入面多年嘅疑問出嚟,「你(帽子)也戴太低了,那個時候我也想知道你是長甚麼樣。」曲線「抽擊」周杰倫;呢頭被霆鋒「寸」,嗰頭周杰倫就用霆鋒「鋒味拌麵」嘅說話點評學員,「謝謝你,讓我們在這麼近的距離『嘗』到了遙遠的味道。」十分搞笑。 另外,霆鋒喺節目入面亦都提到自己出門口嘅準備,就係:一切從簡!霆鋒話:「出門前的所有準備只要幾十秒,收拾自己只需二十秒。」快手還快手,不過霆鋒都好着重細節位,好似當晚節目入面佢手上星星形嘅accessories就「暗藏玄機」,除咗襯晒霆鋒嘅rock style,仲同《中國好聲音》節目logo好似,霆鋒係有heart嘅。