而家正忙於籌備十二月婚禮嘅鍾欣潼(阿嬌)日前為英皇珠寶拍攝「中式足金婚嫁珠寶系列」廣告。足金金飾喺婚嫁儀式中一直擔當重要嘅角色,除咗代表祝願一對新人同偕白首,情比金堅,金飾喺中國人傳統上亦係代代相傳嘅瑰寶。咁多款足金婚嫁珠寶系列入面,阿嬌最愛不釋手嘅係幸福花嫁系列:「幸福花嫁系列將傳統金飾幻化成迷人嘅花,配襯起各款中式裙掛,令新娘子更顯優雅脫俗。」 喺拍攝過程中,阿嬌不時流露甜蜜神情,佢話:「當你遇上對嘅人,幸福就會不知不覺間溜進你生命當中。好似英皇珠寶中式足金婚嫁系列一樣,將家人嘅期待同祝福寄托喺金飾之中,令待嫁嘅新娘滿載幸福感。我亦好感謝親朋好友為我送上嘅祝福,先令我有咁難忘嘅婚禮。」