日前,蔡卓妍(阿Sa)為英國著名天然美容及身體護理產品品牌The Body Shop拍攝網上廣告,今次拍攝嘅係品牌皇牌產品「生薑頭皮護理洗髮露」,為咗配合呢隻「夠薑」洗頭水,導演劉翁唔用一般洗頭水廣告長髮飄逸feel,反而以阿Sa嘅一頭中長髮拍攝,演繹非一般嘅新鮮及率真感。 問到阿Sa平時點樣護理頭髮,佢就話因為工作關係經常要轉換髮型,其實好傷頭髮,不過自己好早已經有用呢個品牌嘅洗頭水,特別係薑味,「本身已經好鍾意薑味,而且覺得生薑辛辣嘅氣味可以喚醒頭皮,洗完頭感覺清爽,好似由頭醒到落腳咁!」出trip時佢仲會帶埋私伙洗頭水,就算開通頂,番到酒店都會持洗埋個頭先瞓,「曾經試過零度氣溫我都堅持要洗頭,當時窗外飄著雪,水溫又唔夠暖,我一邊洗頭一邊凍到不停狂流鼻水!」 除此之外,阿Sa亦都提醒女士們要注重頭皮護理,因為曾經有男性朋友同佢講喺約會時,曾經遇上一個女神級嘅對象,但因為女神膊頭滿佈頭皮而扣分,阿Sa話﹕「頭髮長短、顏色同髮型嘅喜愛都各有不同,但最重要係擁有健康頭髮,只要頭髮又靚又健康,女士們不經意撥一撥瀏海,都已經好有魅力,好能夠展現女人味!」講完後,阿Sa就即刻示範撥頭髮,擺出多個「女人味」表情,十分搞笑。佢繼續話:「夠薑嘅洗頭水除咗幫助護理頭皮,仲可以舒緩頭皮,令我嘅頭皮好似識得呼吸咁有活力,頭髮靚得嚟薑薑(剛剛)好呀!」