雖然近日陳偉霆(William)忙住拍攝電影《風暴舞》,不過佢早前就現身北京杜莎夫人蠟像館,原來William再次被邀請進駐京城嘅蠟像館。其實舊年William已經進駐咗上海嘅杜莎夫人蠟像館,館內佢嘅蠟像就以劇集《老九門》「張大佛爺」角色展示,自細就鍾意行蠟像館嘅William話,試過一個星期去兩日,所以進駐蠟像館可以話係夢想成真。 而今次William就作為北京杜莎首位夢想音樂大使入駐全新音樂區,蠟像回復歌手形像,唔單止能夠同fans「互動接觸」,觀眾更可以近距離感受到William唱得又跳得嘅舞台魅力。據知,William全新蠟像嘅揭幕儀式將於7月5日舉行,期待同大家共同解鎖全新「音樂區」。