張敬軒第五晚演唱會,紅館繼續星光熠熠,容祖兒,蔡卓妍,吳浩康,許廷鏗 ,譚嘉儀,樂易玲,細細粒,林志美,胡鴻鈞,許懷谷, 鄭世豪 ,薜家燕 ,江海迦等都有來支持。更請來楊千嬅任特別嘉賓,與降兩度合唱《可惜我是水瓶座》。 千嬅隨歌聲升上台,觀眾一聽音樂已經興奮萬分,反應非常熱烈,兩人唱完歌,降兩度(軒仔) 馬上同千嬅姐打招呼,並且告訴千嬅,為了迎接她,把頭髮都染了紫色,「你睇下我個頭髮,特登為你做架!你係紫色頭髮始祖嘛!你係天后你教下我呢d後輩.......」千嬅笑言,「咁我咪即係你祖先?我呢d下面升上來,點會重係天后,我已經變左娘娘啦,大家都係水瓶座,我大你一個圈,我估我做得你阿媽喎!」降兩度(軒仔) :「咁邊個係我阿爹?」千嬅狂笑,「冇架你睇我就知係單性繁殖你架啦,所以你咪似青蛙囉。哈哈」 然後千嬅又話,「見到你今日咁努力, 上台係唔實容易事,無論有幾多經驗都好,重要好有堅持先得 ,你做到左啦,做到一個令人感動的騷。。。」降兩度(軒仔):「係呀,我真係好有堅持,日日堅持番去剃腳毛.......我唔介意比你摸下 」 摸完大腿,千嬅問降兩度(軒仔),「聽講你昨日有個好震憾嘉賓喎。。。」降兩度(軒仔)就嫌棄樣說 ,「車,唔關我事,係個個張敬軒請,關智斌個D ,濕濕碎啦!」沒料到千嬅竟然問:「咁你幾時會嫁?唔係,我幾時有個女婿?定係娶新抱?但係你依家咁樣,真係唔係好得喎,你要執執先,執完番上O黎就有姻緣架啦。」聽到叫結婚,觀眾即起哄,降兩度(軒仔)就答,「原來我今日係求姻緣,哎,我快d落番去執下先。」 繼而千嬅就唱了「再見二丁目」比時間軒仔大執變身。