我就係人稱Gordon哥哥嘅蕭徽勇。 2001年, 我參加咗香港無線電視第十七期藝員訓練班。畢業後, 正式成為TVB合約藝員。 入行至今, 我除咗主持過兒童節目《放學ICU》長達十年之外, 亦參演過好多部TVB劇集。相信有睇過TVB劇集嘅朋友都應該對我有d印象。 2008年7月, 我開始兼任TVB粵語配音員, 展開咗幕前幕後兩邊走嘅演藝生涯。 2015年, 我喺劇集《實習天使》飾演智障人士輝仔一角,ㄧ夜之間令到更多觀眾認識我, 之後仲多咗個「TVB 最傳神的『神級「智障」演員』」嘅外號。