早前,謝霆鋒到西安出席「傳奇世界3D」電話遊戲App代言活動,霆鋒出名鍾意打機,曾經癲到唔瞓覺唔食飯唔沖涼咁打,「直到打爆機先至會出番間房,之後又開始打另一個新game。」搵佢代言遊戲真係啱晒。 霆鋒講過,佢最鍾意就係玩RPG game(角色扮演遊戲),曾經試過一個RPG game玩足十年,今次佢代言嘅遊戲App,係由盛大遊戲研發、騰訊遊戲代理發行,採用全新3D引擎重新打造了一個立體傳奇世界。多維度PK視角,喺3D場景中加入咗高低概念,豐富空間層次感,加上新增攻城載具系統、雲梯同密道玩法,將沙城之戰變為可以從密道、地面和天空三路同時進行嘅立體式攻城,喺視覺化呈現方面更做到極大嘅提升。 除咗視覺上嘅跨越,其實成個遊戲嘅玩法都進行咗革新,豐富咗整個社交系統。呢個game今日正式上線,代言嘅霆鋒話:「喺網絡空間入面搵到自己安全嘅世界,同朋友傾偈,將自己想講嘅嘢講出嚟,減壓後就可再投入工作。」