謝霆鋒做手遊代言人 狄波拉話早知唔阻霆鋒打機 今時今日,「電競」已經發展成體育競技,講起打機,圈中有唔少藝人都係「機友」有啲仲組電競隊比賽添。 日前,謝霆鋒以代言人身份,到西安出席「傳奇世界3D」手機遊戲宣傳活動,霆鋒話對上一次去西安,已經係04年嘅事。活動上,大會主持問霆鋒有冇玩過代言嘅遊戲,佢就話最鍾意就係玩RPG Game,「我用好多時間去打機㗎!我記得同過我阿媽(狄波拉)講,如果我唔係入咗行,我係會向電競方面發展。」佢仲話以前佢打機嘅年代唔似得而家,「而家打機係有好多途徑知道攻略、關於遊戲嘅資訊,我以前打嘅時候好『寂寞』。」而家打機(電競)已經發展成為體育競技,隨之衍生的電競產業更達億億聲,霆鋒笑說,「我阿媽同我講:『早知遊戲市場咁大,當初我就唔阻你啦。』」