《Twins Lol live around the world 世界巡迴演唱會》於美加西岸時間5月17日及19日於溫哥華和洛杉磯完美完成。巡演超過三年,轉眼間這次是她們的第21和22 塲演唱會。碰巧演出期間,兩人又一齊共踱了twins成軍17年,不少歌迷特地由香港飛往美加看演唱會與他們一同慶祝,令他們又開心又感觸。 第一次到美加巡唱,sa敵不過jet lag,覺得十分之累,馬不停蹄唱完又下一站,她無奈苦笑,「最後一站多倫多,又同依實係溫哥華差三個鐘,我決定唔再調時差啦!眼訓就訓,唔想訓就醒住,餓就食啦!真係冇辦法,調到一陣返到香港又要調番,好痛苦。阿嬌就好啦,佢一向係美國時間活著,哈哈,所以時差影響唔到佢啦。不過就差d食錯安眠藥,哈哈哈。」阿嬌就話,「時差真係對我冇咩影響,我剛剛係想食敏感藥,不過差 d拿錯左安眠藥。食左就唔駛唱啦,哈哈。」 兩場演出,歌迷似乎對阿嬌快要出嫁依依不捨,有歌迷不停送上祝福,有歌迷又大叫twins 不如移民到溫哥華,洛杉機住,更說他們答應來住的話,送車送樓給他們,令孖妹笑個不停。而歌迷對阿嬌出嫁祝福,阿嬌在台上就有少少怕羞,沒有大回應。 沒有時差生活的阿嬌,到美加後非常enjoy,坦言曾想過退休後移民,「真係有諗過,已經問過很多意見,樓呀,生活係點呀咁。。。」阿sa就叫阿嬌揀溫哥華,因為她自己有很多親朋,及同學在溫哥華,如阿嬌移民就方便她日後可以探望,不過阿嬌就話未諗定主意。 據傳明日唱完第23場多倫多之後,LOL 這個騷就完滿終結,阿嬌會飛去LA 籌備婚禮,阿sa也會一同飛去參加party。但歌迷對這個騷還是依依不捨,不停要求他們返回香港或澳門再演出最後終極一場,是否成事仍是未知素。