莫莉
1 個月前
15
1 個月前
15
親子餐廳@焱咲自煮理平板燒概念店
#按HD觀看 #親子餐廳 #無火平板燒 已經第3次來焱咲自煮理平板燒概念店 -香港親子餐廳啦! 今次係慶祝小寶叔叔生日+母親節~ 我承認我係比較私心鍾意呢度, 貪佢店小小只有6張台多人勁有限, 仲有一個兒童遊戲室, 雖然又係細細哋, 但6張台小朋友share玩有如包場一樣~ 今次再來老板依然咁食物同顧客都咁熱誠, 用心準備食物, 每一台都用心招待教我哋點用佢個獨家爐無火平板燒煮野食! 大人慢慢煮慢慢食, 食足3個鐘, 小朋友當然唔會扭計因為有得玩! 份兒童餐好足料, 而且仲唔係平時見得多嘅西餐, 個人覺得呢度嘅比較健康, 同埋有得自己整手捲壽司! 呢度唔可以walk in, 一定要book位, 因為店主會事前幫大家預好人數份量, 準備好食材, 好似慢煮雞肶咁都要事前準備, 所以book左台亦唔好no show啊 (真係來唔到前日幾講聲, 其實常客都知規舉) 同埋呢度只開夜晚7-10pm, 當然中午包場店主都ok既~ 因為叔叔生日, 我哋仲訂左生日甜品, 呢個甜品好有驚喜架, 客人事前係唔知道咩來, 因為睇甜品師當日心情製作, 哈哈, 少有重覆~ 我哋今次呢個一拎出來真係大叫哇哇聲, 勁有heart既生日雪糕, 有閃燈有音樂, 仲有個隆比主角伸個頭去影相!! #影片看到最後 雖然工廈但好易搵, 近荔枝角地鐵站D1出口~ 焱咲自煮理平板燒 地址: 荔枝角長沙灣道883號億利工業中心9樓916室 (近荔枝角地鐵站D1出口) whatsapp預約: 6295 0918
留言0 則留言