【 跨境鐵路新紀元 - 東鐵綫篇 】沿綫車站大變身！

唔少人日日返工返學都會搭東鐵綫，不過未必個個都會留意到身邊一啲細微嘅變化。好似東鐵綫車站嘅月台進行咗美化工程，為乘客帶嚟新鮮感。而金鐘站有車站藝術品《引領前行》、會展站除咗《戰時炸彈》仲有歷史牆，車站唔再好似以前咁單調，更加有文化藝術嘅氣息。等遲啲羅湖站開返，仲可以見到翻新嘅抵港大堂，環境更闊落開揚，過關等車就更舒適啦。大家平時搭車嘅時候不妨留意多啲，欣賞下身邊各種細微變化！ 心繫生活每一程：www.mtr.com.hk