謝嘉怡回英探望家人 爸爸整最愛薯條炸魚Pizza

講到圈中孝順女， #謝嘉怡 一定榜上有名，經常將家人掛喺口邊嘅Lisa，自從2020年來港參選香港小姐，並勇奪冠軍后冠後，便留港發展，與家人分隔兩地。雖然父母都有來港陪伴，但喺疫情下，思念親人情感一定倍增。日前Lisa襯有假期，特意飛返蘇格蘭探望家人。 Lisa將今次返屋企過程拍底並放上網分享，當佢一抵達蘇格蘭機場時，經已難掩興奮心情，當見到爸爸時，父女即刻嚟個擁抱。有廿四孝乖女，又點會少得廿四孝爸爸，謝爸爸即刻問乖女想食乜，並火速落手落腳整Lisa最愛嘅炸魚薯條同Pizza，Lisa更將爸爸入廚畫面拍底分享，果然專心工作嘅男人係特別有魅力，睇條片都覺得謝爸爸好Man。當Lisa邊品嚐美食時，邊分享今次跟家人見面感受，又話會好好珍惜呢段時光。 （YouTube片段）