日本傳媒報道,80年代知名歌手 #松田聖子 同前夫 #神田正輝 嘅35歲女兒 #神田沙也加 ,18號喺北海道一酒店墜樓,送院後不治。 神田沙也加係松田聖子嘅獨女,同父母一樣加入藝能界,同時身為歌手、女演員同聲優。近日神田正同舞台劇《窈窕淑女》嘅其他演員巡迴演出,日前抵達札幌,不過今日集合時間未有出現,之後被發現倒臥酒店14樓,估計佢由20樓高處墜下,事後佢被送院搶救,延至深夜不治,終年35歲。 據報道指,事發前佢曾同父親神田正輝通電,更預早祝賀父親21號嘅71歲生日快樂。神田沙也加早年前曾為感情問題同松田聖子鬧翻,後來仲脫離母親嘅經理人公司,2017年同舞台劇演員 #村田沖 結婚,不過聖子就未有出現,可惜婚姻只維持短短2年幾就離婚收場,有指係因為沙也加同 #秋山大河 發展婚外情所致。 (Instagram圖片)