大S 徐熙媛 同內地商人 #汪小菲 自6月起婚姻亮起紅燈,雖然汪小菲同媽媽一直都試圖挽救,不過11月22日中午,雙方就共同經律師發出聲明,指雙方已經協議辦理離婚。 今年係大S同汪小菲結婚10周年,佢哋當年認識只得49日、見面僅僅4次就閃婚,更加喺海南島舉行婚禮。月前汪小菲仲送巨型鑽戒比老婆慶祝結婚周年紀念,不過徐媽媽同大S嘅經理人喺回應傳媒時都以兩人只係夫妻嗌交耍花槍嚟評論事件。但係同大S關係緊密嘅資深製作人 #柴智屏 ,回應時就指大S回覆確認事件屬實,結果兩人真係破鏡難完。