日本當地媒體報道,全球知名嘅日本服裝設計師 #和田惠美 11月13日與世長辭,享年84歲。佢早前為 #許鞍華 導演嘅《第一爐香》執行設計工作,據知將成為佢嘅遺作。而許鞍華導演就覺得非常可惜:「知道和田惠美抱恙已久,好可惜就咁過身,好懷念同佢工作嘅日子,因為她係一個有才華,同時非常容易合作嘅藝術家,好可惜佢唔能夠再同我哋合作,希望《第一爐香》佢會滿意,不過我聽講佢係滿意嘅。」 和田惠美畢業於京都市立美術大學,憑 #黑澤明 導演嘅電影《亂》(1985)榮獲奧斯卡金像獎最佳服裝設計獎而揚名全球。之後多次曾參與香港電影製作,仲憑《白髮魔女傳》(1993)、《宋家皇朝》(1997)同《英雄》(2002) 三奪香港電影金像獎最佳服裝造型設計,亦有參與華語電影如 《風雲雄霸天下》(1998) 、《十面埋伏》(2004)以及《狼災記》(2009)。