傳記式電影《梅艷芳》重現近代香港娛樂圈兩大令人難以懷懷嘅畫面,電影公司不惜動用大量人力物力,將哥哥張國榮出殯以及梅姐告別演唱會重現,希望觀眾緬懷之餘再一次見證香港電影人為電影所付出嘅努力。 導演 #梁樂民 為咗將戲中哥哥 #張國榮 出殯同梅姐紅館告別演唱會兩大場面,事前同團隊克服重重困難,包括要喺眾多歌手爭奪嘅紅館檔期中進駐入場拍攝,經過向各部門申請同批核,最終成為首部踏入紅館實景拍攝嘅香港電影。 而到哥哥出殯嘅場面,拍攝過程同樣困難重重。導演話:「我哋大部份根據哥哥出殯新聞片作參考,向香港殯儀館申請拍攝。又必須要喺週日,早上9點之前要完成,以免影晌殯儀館正常運作。拍攝環境係兩條交通要道,當天凌晨就要出發standby,當日動用咗幾乎全港臨時演員扮演歌迷同途人,過程要多次排練。綵排同拍攝期間又遇上大雨,最後連預先準備嘅航拍部分都告吹。拍攝指導 #潘耀明 出動7位攝影師同7部攝影機,喺惡劣環境下將需要嘅畫面全面捕捉,所以真心感謝各單位嘅努力同付出。」 而飾演張國榮嘅 @劉俊謙 本應無須出現喺 @王丹妮 向棺木告別一幕,但阿謙為咗協助Louise入戲,自動請纓躺進棺木令佢進入狀態,再一次証明每一位參與呢部電影啂台前幕後,對呢部戲嘅真誠無私態度。 至於拍攝梅姐離世前最後一場告別個唱,Louise演繹《夕陽之歌》配樂,係特地買入歌曲原聲重新編曲,再將此曲重構重寫,務求令觀眾在看電影時頓時感覺置身紅館中。 Louise正式上台表演時,工作人員都屏息以待,早已完成拍攝戲份嘅 @廖子妤 亦專程探班,見證呢場重頭戲。Louise著上模仿當年梅姐所著婚紗,踏上長樓梯向台下觀眾揮手道別,事後她有感而發話:「今日一著上呢套婚紗,化完妝、整完頭後,突然之間冇咗『驚』嘅感覺;因為我相信導演、相信自己所做、亦都相信舞台、相信團隊!」