一向都有幫動物救助組織 #大樹下善待動物庇護站 做義工嘅 Kimman Wong 黃劍文 ,日前又為大樹下嘅義賣攤位籌款,除咗主動聯絡義工提出幫忙之外,仲同大樹下嘅公關狗狗「自來」一齊擔任一間健康食品店擔任一日店長。 食品店嘅營業額將全數捐予大樹下,而劍文亦喺現場Busking,即場接受點唱,而似乎自來亦係劍文嘅歌迷,因為當佢一唱歌,自來就即刻轉身痴痴望實,令到現場觀眾啼笑皆非。 現場所見,除咗劍文fans聞風而至之外,自來亦都有唔少fans到場支持,仲帶咗大堆零食同利是送俾佢添。