「新藝城七怪」之一;上世紀60年代已經加入香港娛樂圈嘅著名電影人 #石天 ,11月1號傳出早前病逝,消息由 #林俊賢 喺微博發佈,曾同佢共事嘅黃百鳴證實消息。 石天原名 #劉偉成 ,1968年加入邵氐,經常演出搞笑角色,80年代同 #黃百鳴、#麥加 等人組成 #新藝城電影 ,佢哋聯同 #施南生 #徐克 #曾志偉 同 #泰迪羅賓 被稱為「新藝城七怪」,創作出好似《最佳拍檔》系列等唔少經典作品。 黃百鳴回覆傳媒查詢時,稱石天早年曾患上癌症,近年疑有復發,據石天細仔表示故友希望低調處理身後事。 (網上圖片)