胡杏兒喺老公李乘德陪同下一齊入產房迎接第3個小生命誕生,杏兒順產誕下重8磅幾嘅小Liam李奕宏 ,懷胎10月嘅佢完全估唔到BB會咁重磅,所以今次分娩過程都比過往兩次辛苦呀。 杏兒形容「老么」嘅可愛外貌完全係大哥同二哥混合體。而中、英文奕宏同Liam都係出自老公Philip手筆。 杏兒今日中午喺社交平台公布喜訊,不過選擇喺13:14分公告,亦係佢同老公想表達愛護三個小朋友一生一世嘅寓意;最重要係佢哋身體健康、快樂成長。 雖然連生三胎都係男仔,不過杏兒就話決定封肚唔會再追女喇,佢話:「收山唔會再追喇,始終需要時間悉心照顧、教導。」 (網上圖片)