據報太極樂隊成員,擔任鍵琴手嘅唐奕聰Gary猝逝。佢表弟 李忠希 向傳媒證實消息。忠希亦透過手機短訊回應,指自中學畢業已為Gary擔任助手,見證同學習佢嘅音樂,對死訊難以接受。 Gary今日被發現喺寓所昏迷,懷疑因心臟病發猝逝,太極成員鄧健明亦向傳媒證實噩耗,佢話覺得非常突然,不過未知事發詳情,又相信呢位多年隊友唔希望大家太難過。 Mr.成員布志綸形容Gary就係Mr.嘅爸爸,由當年初出道已經喺身邊扶持佢哋。不過近來因為疫情較少見面,主要經電話聯絡。下晝收到消息嘅佢覺得非常突然,Alan指本來想相約對方,不過己經再冇機會,會盡力平復心情。 Gary除咗係太極成員,亦都係知名編曲人,多年嚟作曲同編曲無數,好似張國榮嘅《拒絕再玩》、陳百蛋嘅《幻象》、張學友嘅《情不禁》等等。 (網上圖片)