麥秋成 - Shing Mak 同 湯怡 Kathy 啱啱經社交平台宣佈,即將拉埋天窗,除咗公開婚照之外,今次更加係雙囍臨門,認真恭喜呀。 Kathy早年同 #洪卓立 拍拖多年,兩人和平分之後Kathy一直未再傳出戀情,點知今日就突然連放大型閃光彈,今日阿Ken亦都即時祝賀Kathy。之後又再回應話:「作為好朋友,當然恭喜同戥佢開心。祝福兩位幸福快樂!身體健康!」 Kathy透過公司回應傳媒祝賀時話:「同麥秋成認識咗一段日子,亦相處咗一段日子,因為大家都比較低調,所以除咗屋企人,我哋都冇特別同其他人分享呢件事。 將喜訊同大家分享之後今日就會入紙排期註冊。下個月會有個簡單嘅婚禮,因為限聚令,所以邀請唔到太多人出席。疫情過後會補辦婚宴。」 至於憑《狂舞派》為人認識嘅麥秋成,亦都獲大批好友祝賀,呢對準新人仲分別向對方留言話: 曾經擦身而過的我倆 能夠走在一起 是緣份 現在能守在一起 是福份 謝謝你的光臨 完整美滿了我的人生 亦充滿甜蜜 色彩與歡樂 餘生 請多多指教