名廚版 X 陳皮香酥骨

【#保哥廚房 X 疫境廚神】【#陳皮香酥骨】 「陳皮達人」黃亞保 Chef Paul 再出手，分享獨門食譜！ 保哥廚房隆重回歸！上一次同各位見面已經係十月，今日再度回歸，保哥決定同大家分享佢嘅獨門「陳皮香酥骨」食譜。呢道菜式喺保哥昔日開設嘅私人餐廳，深受一眾饗客青睞，係餐廳嘅熱門菜式，唔少人慕名前來品嚐??！ 新會係歷史悠久嘅「陳皮之鄉」，陳皮製作享負盛名，優質矜貴。保哥將甘香醇厚嘅新會陳皮，磨成陳皮粉醃製排骨，腩排肥瘦適中，燜熟略煎後帶有脂香?！同時預備陳皮梅醬，加入去核陳皮梅、蒜頭、青檸皮、辣椒醬、汽水等。 酸甜嘅陳皮梅醬汁襯托香酥骨，輕輕一口，舌尖上可感受多層次嘅味道，餘韻悠長。陳皮具有理氣健脾，燥濕化痰嘅功效，配搭香酥骨，一減香口小食嘅油膩熱氣?！ #保哥廚房 #疫境廚神 #陳皮達人 #陳皮食譜