資深演員秦煌 中午返抵電視城門外時疑因身體不適跌倒,保安員即時上前協助並為其右手包紮,事後召救護車送院檢查。 秦煌原定今日要出席《踩過界II》嘅記者會,佢大約12點返抵電視城門外,據目擊者指佢落車時已步履不穩,之後入閘前就跌倒撞傷右手。在大門駐守嘅保安即時上前協助,又安排輪椅同為佢包紮傷口。 事後佢回復清醒,由擔架送上救護車時稱,懷疑因未食早餐頭暈跌倒,同時膊頭感痛楚。之後佢由工作人員陪同送往醫院檢查。