華仔劉德華每年都會舉行大型Party同歌迷見面共聚,舊年生日華仔更加首次喺新加坡演唱舞台上,同過萬歌迷共渡,不過今年因為疫情關係,華仔亦首次準備了網上生日會,打算同全球fans一起渡過! 呢個「愛的連線生日會」,將會喺今日華仔生日正日9月27號晚20:00,喺華仔官網 「華仔天地」播映。 華仔為今年生日會花盡心思,早前同工作人員開會,提到點樣同fans經網上歡渡時已經興奮到手舞足蹈,華仔同工作人只員都為網上生日做好準備,華仔仲話今年活動絕不馬虎,每一個部分都會做到盡善盡美,以最佳狀態同大家見面咁話。