近年主力配音工作,甚少於幕前出現嘅炳哥譚炳文今日因肺癌逝世,享年86歲。 炳哥早喺上世紀50年代加入演藝行業,擔任播音員,後來參與電影拍攝,70年代初開設廣告公司,又同多年好拍檔琴姐李香琴共同經營電影公司,炳哥又曾經灌錄唱片成為歌手,經典歌曲《舊歡如夢》更係由佢原唱。 炳哥之後加入無綫電視皇拾配音工作,同時擔任司儀同主持,亦訓練唔少配音員。直到2014年,炳哥獲配音組同TVB同時頒發獎項表揚佢多年嘅成就,炳哥更加係多年嚟,TVB服務時間最長嘅配音員。直至2019年,炳哥同囡囡譚淑瑩參與《愛.回家之開心速遞》演出之後,正式淡出幕前演出。 舊年炳哥曾經因為心臟衰竭而入院,據知炳哥3個月前發現患上肺癌,雖然曾經接受電療,但係不幸癌細胞已經擴散,星期六凌晨因為呼吸困難需送院,延至今日11點離世。 炳哥2月為《流行經典50年》擔任嘉賓片段 https://business.facebook.com/TVBENews/videos/462900027949072/ (網上圖片)