香港茶餐廳文化Challenge

以前嘅茶餐廳會出現好多術語，例如”靚仔”即係白飯；“肥妹”即係熱朱古力，呢啲術語可以提高落單效率，但係而家嘅茶記已經愈嚟愈少聽到⋯ 一班後生仔對茶餐廳文化嘅認識都唔少，Enson最深刻印象就係伙記拎水時總會插手指入杯；Joey就覺得耳仔掛筆先至係最Iconic，兩樣都係好有畫面嘅茶記印象！波波仲準備咗幾條茶餐廳術語Q&A Challenge同大家玩，原來最難Get到嘅術語竟然係“敗家仔”同“夏蕙姨”！ 佢哋雖然無解釋到，但其實“敗家仔”即係飲品X華田（「賣田」的意思即守不到祖業）⋯ 至於“夏蕙姨”點解係西多士？ 典故來源於夏蕙姨以前一段愛情史，有興趣可以Search吓，啲術語典故都好有意思㗎！