自己口罩自己整

** 特別鳴謝Kosa Law借出影片轉載 [條片有啲長，都係想大家可以慢慢仔細睇跟住做] 近期全香港一罩難求，排極隊都買唔到口罩，同埋寧願唔出街都堅決唔幫襯炒價嘅你可能需要呢個方法：自己口罩自己整！Kosa好有心地自己製作咗一條關於自製布口罩嘅短片，希望可以幫到大家頂住先！不過都戴定頭盔先，雖然布口罩比起外科口罩保護性係差啲，但係透過濾網都可以阻絕比較大嘅粒子同飛沫，總比唔戴口罩好好多，對於買唔到口罩，或者係呢排困住喺屋企可以有充足時間DIY嘅朋友，的確係一個相當值得參考嘅做法！真心多謝Kosa提供呢個方法畀大家，另外，亦都要讚讚Kosa，之前佢知道身邊好多人撲唔到口罩，亦都同爸爸媽媽夾手夾腳整咗一批畀佢哋，真係好有愛呀😊😊😊