價錢: €2 (超級市場售價) 呢件叫做Tompoucen嘅食品,係荷蘭極具特色嘅夾餅,一般超級市場都可以買得到。 呢款食品,係上下兩塊甜甜酥皮,夾住中間一大舊Cream,純講味道,後生仔阿Fred就話相當唔錯!但係Tompoucen最令人煩惱,就係唔知點樣去食!阿Fred由拎上手一刻已經覺得有難度,當咬落去,又會有一大舊Cream四方八面擠晒出嚟,食相極狠狽!而其實如果大家有興趣,亦可以上網睇下,原來好多外國KOL,會以呢件Tompoucen做Challenge,大家鬥食得唔污糟唔狠狽,而基本上個個都出事!所以,去到荷蘭,大家又不妨買返件試食一下,睇下大家會唔會搵得到點樣可以將呢件餅乾乾淨淨!