地址: Ookmeerweg, 1069 AH Amsterdam Website: https://www.mvrdv.nl/projects/170/wozoco 呢個公屋屋苑,並唔係旅遊點,亦唔係開放畀遊客參觀,但係好多人都會特登嚟呢度外圍影張打卡相,因為呢個屋苑外型設計實在太有特色! WoZoCo呢個公屋計劃,係政府特別設計畀長者嘅,而近年,就開放至唔單止長者,連荷蘭市民都可以輪候。 咪以為佢係公屋就地方淺窄,其實單位唔止實用面積大,間格亦相當闊落,就以節目中盈盈同麥明詩參觀嘅單位為例,600呎左右(佢兩個目測之下,覺得應該唔止600呎咁少),月租750歐羅,即係七千幾港幣,對比香港租金,呢個單位真係聽到大家流晒口水!不過,要輪候都唔快,大約要排15年,同香港輪公屋時間都差唔多架。