地址: Museumplein 6 1071 DJ Amsterdam Website: https://www.vangoghmuseum.nl/ 注意事項: 基本每天都於早上9:00開館,但關館時間則視乎不同季節而定,詳情可查閱官方網站 收費: 入場費€19 (18歲以下免費) 梵高博物館,相信絕大部份去阿姆斯特丹旅客,都會嚟呢度朝聖。博物館有大量梵高作品展覽,而作品亦係按佢生平歷史去分層,所以由頭到尾參觀完,都會對梵高一生有所認識。而由於呢個博物館相當受歡迎,如果準備去參觀,都提提大家喺預留時間上面要特別留意: 大家當然可以到場至買門票,但為避免到達後發現人龍,所以可以考慮去博物館官網先訂飛,然後用e-ticket入場。而入場亦都可以留意返,博物館於早上11時至下午3時係人潮高峰期,而關館前30分鐘亦會停止入場,想避免排太耐隊,就可以先計劃下時間喇! 另外,畀多個貼士大家,入場後,仲要將背包或手袋寄存於衣帽間,而衣帽間亦都需要排隊,一般要預大約10-15分鐘;而離開時,亦要預留時間排隊攞返!所以,可以嘅話,盡量以輕便裝束去參觀呢個博物館就可以慳多少少時間!