地址: Oudebrugsteeg 15 1012 JN Amsterdam Website: https://tonyschocolonely.com/nl/nl 開放時間: 10:00 - 21:00 價錢: 朱古力每排 €3.10 呢個品牌嘅朱古力,幾乎全阿姆斯特丹大大小小舖頭、超級市場或便利店都可以搵得到,佢嘅味道款式,真係包羅萬有,總有一種會啱你! 而呢間位於市中心嘅專賣店(由阿姆斯特丹中央車站步行7-10分鐘就到達),除咗有齊咁多種味道畀你揀,仲可以隨便試食!另外,佢仲提供DIY服務,畀你任揀味道配搭,同埋自己設計包裝紙嘅顏色同文字。 而呢間朱古力店除咗味道正,佢仲有一個特色,就係主張公平貿易(Fair Trade),佢同一般朱古力設計好唔同,好多朱古力,每排都係平平均均一格格咁樣,但係呢度嘅朱古力,每排都係刻意分得好唔平均,有大格有細格,佢係希望提醒大家,呢個世界其實仲有好多地方係好唔公平,藉此希望大家食朱古力,都要關心社會呀!