地址: Overhoeksplein 5 1031 KS Amsterdam Website: https://www.adamlookout.com/ 開放時間: 10:00 – 22:00 (最後入場時間21:00) 價錢: 成人€13.5 小童 (4-12歲)€7.5 Over The Edge係全歐洲暫時最高韆鞦(離地100呎!),坐落阿姆斯特丹地標A’DAM Lookout最頂層!呢個韆鞦,帶好安全帶,就會稍稍吊高你,然後一揈,就會將你揈出天台!你夠膽就望落街,好刺激架!不過,刺激之餘,仲可以高空睇到阿姆斯特丹全景,感覺好正!打完韆鞦,仲可以落返下層歎茶或咖啡,甚至飲杯酒,再慢慢於室內360度觀景台,再仔細欣賞阿姆斯特丹全景。 想去體驗一下挑戰膽量?可以於阿姆斯特丹中央車站碼頭,搭免費渡輪去Buiksloterweg,然後行3分鐘左右就會到!仲有提一提,之前人人都鍾意去Museum Square打卡的「IAmsterdam」地標,已經搬離Museum Sqaure,但A’DAM Lookout地下,亦有一個「IAmsteramd」標誌,Size雖然冇之前咁大,但如果都想同呢個地標打番張卡,都不妨到一到呢度架!