地址: Oudezijds Armsteeg 1012 GP Amsterdam Website: https://www.martines-table.com/ 價錢: 每人€58(四道菜) 呢間由一對荷蘭夫婦Olav同Martine開嘅私房菜館,每星期只會開2-3晚左右,屋主會以時令食材,為客人精心泡製地道荷蘭菜。 而Olav同Martine屋企只有一張坐最多8-9個人嘅長枱,如果唔係包場,每次顧客嚟到,就可以同嚟自唔同地方、唔同背景嘅人一齊晚餐。男女戶主唔單止會為客人介紹每道荷蘭菜式,仲會陪客人一齊享用晚餐,一齊傾偈,天南地北,無所不談,而顧客又可以認識嚟自唔同地方嘅人,絕對係一個集認識荷蘭飲食傳統兼世界文化交流嘅獨特體驗。 呢間家居私房菜館,位置喺阿姆斯特丹市中心(由中央車站步行約5-8分鐘),就近紅燈區,相當方便。屋主又相當友善,食物質素又非常高,所以好受歡迎。想試嘅話,記得提早網上預約。