地址: Wibautstraat 129,, 1091 GL Amsterdam Website: https://www.thestudenthotel.com/ 呢間「學生酒店」,前身係一間報紙廠。呢度其實可分為兩部份:酒店,同埋Open Office。 酒店嗰部份,有一半係可以畀留學生長期租住,自己租一間房又得,租個床位同其他海外留學生Share Room又得,而酒店另一半,就係畀旅遊人士租住,房間仲有埋廚房架。而酒店大堂範圍,有好多空間,畀學生開會同溫習,仲有好多遊戲設施,而四周圍更不時寫住一啲好有意思嘅Slogan,無時無刻提醒大家要Keep住做學生嘅心態,總之入到嚟,就會有一陣好玩好青春嘅校園宿舍氣氛湧埋嚟! 而酒店嗰間6人Playroom,更加係成班荷蘭好玩Friend一齊開Party嘅房王! 至於Open Office嗰部份,就係畀當地初創人士做辦工室 / 開會 / 見客,做會為佢哋提供埋秘書服務,為咗畀一班初創人士可以交流交流,喺一個好舒服嘅環境互相刺激下諗法,呢度嘅中央位置,特別預備咗一張大床,畀大家可以好Relax咁喺上面嚟個Bed Talk,交換心得。 阿姆斯特丹內,一共有兩間「學生酒店」,節目介紹嗰間,就屬於旗艦店,交通亦好方便,由阿姆斯特丹中央車站,搭鐵路51 / 53 / 54號,坐4個站(約5分鐘),到達Wibautstraat站,一出站行2-3分鐘就見到呢間酒店架喇!