地址: Piri Reisplein 34 1057 KH Amsterdam Website: https://www.hotelnothotel.com/ 消費:一晚租金€ 60起 (視乎季節及所選房間) 呢間「Hotel Not Hotel(是不是酒店)」,賣點係所有房間都相當隱蔽,令人入到嚟完全唔知原來已經置身於酒店,例如有啲房係匿埋喺書櫃後,有啲收埋喺完全唔起見嘅牆身後,亦有放到喺酒店共用空間正中嘅電車房間,而最特別就係以一架真Van仔改裝嘅房間,成架Van仔入面就只係一張床,絕對滿足所有尋求刺激嘅旅客!雖然房間有趣,但都提一提醒各位,呢度嘅房間較細,唔多位放行李,部份房間係冇洗手間,要去廁所同沖涼就需要去酒店嘅共用洗手間,但放心,地方都相當乾淨衛生。 要去呢間酒店,由阿姆斯特丹中央車站,搭17號往Osdorp Dijkgraafplein嘅電車,9個站後到達Witte de Withstraat站,步行3分鐘就會到。