地址:Kerkstraat 136-138 1017 GR Amsterdam Website: https://hansbrinker.com/ 價錢:旅館有單人房到八人房,每個床位由€18起 呢間曾被封為「The Worst Hotel In The World(世界最差酒店)」嘅旅館,以前喺好多酒店評價網站,都畀人留言踩到盡,話佢衛生差、服務差,但後生仔阿Fred親身住過之後,發現其實並唔係差得咁緊要,房間都算企理(佢係住三人房),廁所衛生都可以接受,櫃台服務亦唔算差,夜晚嘅酒吧氣氛亦相當好,而早餐食物質素都不錯,唯獨旅館身處地區,就好似雜咗少少。 而呢間旅館,唔知係咪畀人踩得多,除咗不斷改善旅館質素,佢哋更將計就計,將「最差酒店」變成賣點,仲喺網站同宣傳上不時玩自嘲,令到世界好多旅客都慕名而嚟,體驗下到底係咪咁差!