地址: T.T. Neveritaweg 15 1033 WB Amsterdam-Noord Website: https://ijhallen.nl/ 開放時間: 09:00 - 16:30 (每月其中一個周六及周日開放,要留意官方網站宣佈日期) 入場費: 成人€5.00 小童€2.00 IJ-Hallen係歐洲最大嘅二手跳蚤市場,每月只會有一個周六周日開放。全個市場750個檔口,無論精品、首飾、服裝、傢俬、古董、唱片、書籍等等,乜都搵得到,價錢真係好平,好係麥明詩喺節目咁,低至1蚊歐羅都執到靚嘢!仲有,呢度可以講價,減到幾多就真係要睇你牙力喇!另外,除咗買嘢,呢度仲有好多美食檔,行到攰,就可以坐低食嘢飲嘢,補充體力,繼續尋寶! 要去呢個地方,只需要喺阿姆斯特丹中央車站碼頭,搭前往NDSM區嘅免費小輪,大約10-15分鐘左右,就可以到達!而小輪班次都相當密,所以非常方便!