地址: Nieuwendijk 183 1012 MG Amsterdam 開放時間: Mon 13:00 - 17:00 Tue - Thu 11:00 - 17:30 Fri 09:00 - 17:30 Sat 09:00 - 17:00 Sun 12:00 - 17:00 消費: €1.00起 好多人話荷蘭貴,掃下街都要幾蚊歐羅,但其實只要睇真啲,都會搵到又平又好食嘅嘢!呢間餅店,雖然位於阿姆斯特丹市中心嘅黃金地段,隔離仲有一條啱晒打卡嘅圓拱門廊,人流超多,但係竟然都可以有超平價嘢食賣! 只需要1蚊歐羅,就可以食到又香又滑又Creamy嘅云呢拿雪糕加Whipped Cream甜筒!如果3歲以下,更加可以以€0.65買到一個小甜筒。 提一提,呢間舖頭間唔中就會出現人龍,不過就算排隊,都唔需要排好耐,所以,平平地掃街兼打卡,呢度絕對係一個好選擇!