呢個名為「水壩廣場(DAM Square)」,曾經係阿姆斯特丹唯一嘅市中心廣場。當年阿姆斯特河曾經流經呢度,而河上嘅第一個水壩就係喺呢個位置,所以呢度就被命名為Dam Square,而阿姆斯特丹嘅Amster-dam,意思就係阿姆斯特河上嘅水壩。而王宮前嘅阿姆斯特河,就係喺1858年之後就填平咗。 廣場呢度,除咗係打卡必到景點,仲經常有好多好玩又互動嘅街頭表演,又有好多小食檔,可以畀遊客又睇又食,加上廣場亦連接住紅燈區同埋唐人街,所以人流真係旺到不得了! 要嚟呢度,可以喺阿姆斯特丹中央車站,步行10分鐘左右就會到達。不過要留意,呢度唔止有好多遊客,仲有好多白鴿雀鳥飛嚟呢度架!