地址:Oosterdokskade 145 ,1011 DL Amsterdam Website: https://nl.vapiano.com/nl/home/ 開放時間:11:00 - 24:00 Vapiano喺阿姆斯特丹都有分店,但係呢間位於阿姆斯特丹中央車站附近嘅分店,景觀就可以話係最靚!因為佢係喺運河旁邊,顧客可以一邊歎住180度無敵河景,一邊食意粉同埋Pizza! 景觀一流之餘,呢間主打意粉同Pizza嘅餐廳,係以即叫即製方式Order,即係並非Order完等侍應攞畀你食,而係要排隊到廚師面前,講你想要嘅材料配搭,然後廚師就會即刻喺你面前煮畀你,絕對新鮮熱辣,但係就要排隊等,如果係午飯或晚飯時間,仲分分鐘要排隊等半個鐘! 雖然等得耐,但係味道都相當唔錯,而且對住個咁靚嘅景,咪當係學習吓荷蘭人慢活嘅食飯方式囉!價錢方面,唔算貴,但就視乎你要乜嘢同幾多款材料而定,仲有,佢係開到凌晨12點,鍾意嘅話,可以同朋友食住意粉Pizza,飲住酒,望住阿姆斯特丹夜景傾吓偈架!